په فراه کې ۱۰۰ پراختیایی شورا ګانو ته د کرونا وايروس په اړه عامه پوهاوی ورکړل شو
د کلیو د بیا رغونې او پراختیا وزارت د ولسي تړون ملي پروګرام له لوري او دعامی روغتیا وزارت د لارښود له مخې د فراه ولایت مرکز کې د خوراکي توکو د کمیټې د جوړیدو او د کرونا وايروس په اړه کمپاین ترسره شو. په دغه کمپاین کې د کرونا وایروس ناروغانو د نښو، له هغې څخه د ځان ساتنې او د وايروس د لیږد د مخنیوي د لارو چارو په برخو کې د روغتیایي اصولو په پام کې نیولو سره لازم پوهاوی ورکړل شو د پراختيايي شورا ګانو غړو ژمنه وکړه چې دا مالومات به د فرسي ولسوالۍ له اوسیدونکو سره شریک کړي. ددې برنامې په ترڅ کې تراوسه د خوراکي توکو د ویش لس کمیټې د کلیو د بیارغونې او پراختیا وزارت د ولسي تړون ملي پروګرام د مرستندویه برخې د کار پیل لپاره جوړې شویدي او د نورو کمیټو په جوړیدو کارروان دې.دغه کمیټې د پراختیایي شورا له فرعې کمیټو څخه چې په هغه کې ځوانان ، زیانمنونکې برخه او ملا امامان شامل دي، چې په راتلونکې کې په بیړنیو حالاتو کې له خلکو سره مرسته وکړي.
