په فراه ولایت کې د ۶۸۰ کورنیو لپاره د څښلو پاکې اوبه برابرې شوې
د کلیو بیارغونې او پراختیا وزارت، په کلیوالي سیمو کې د اوبو رسولو او حفظ الصحې د پروګرام له لوري د فراه ولایت د مرکز په دار اباد بالا کلي کې د اوبو رسولو یوه لمریزه شبکه جوړه او د خلکو ګټنې ته وسپارل شوه.
د څښلو د اوبو په دغه شبکه باندې څه باندې ۱۰ میلیونه افغانۍ لګښت راغی چې د یونیسف د ادارې له خوا ورکړل شوې. ددغې پروژې په تکمیلیدو سره د شاوخوا ۶۸۰ کورنیو لپاره د څښلو پاکې اوبه برابرې شوې.
دغه پروژه کې د ۸۰ مترو په ژوروالي سره د یوې ژورې څاه کیندل، د ۱۰۰ متر مکعب په ظرفیت سره د یوې ذخیرې جوړول، د ۲۰ کلیو مترو په اوږدوالي د پایپونو د شبکې غځول، د سولري تختو (سولرونو) او ۵۸۰ متر بکسونو او نلبندانو نصبول شامل وو.
