په روان لمریز کال سرپل کې ۸۱ پرمختیايي پروژې بشپړې شوې دي
د کلیو بیا رغونې او پراختیا وزارت د ولسي تړون ملي پروګرام له لوري د ۱۳۹۹ لمریز کال په ترڅ کې د انرژۍ، اوبو رسولو، اوبه خور او ترانسپورت په سکتورونو کې د سرپل په مرکز او ګوسفندي ولسوالۍ په کلیو کې ۸۱ پروژې بشپړې او ګټې اخیستنې ته سپارل شوې دي.
د بریښنا د شبکو تمدید، د څښاک د اوبو څاه ګانې ایستل، د اوبو رسولو شبکې جوړول، د اوبه خور کانالونه، استنادي دیوالونه، کلیوالي سړکونه، پلونه او پلچکونه جوړول په دې پروژو کې راځي، چې د سرپل په مرکز کې نږدې ۲۵ زره کورنۍ او په ګوسفندي ولسوالۍ کې ۱۵ زره کورنۍ یې له ګټو برخمنې شوې.
باید ووایو چې سربیره پر بشپړو شویو پروژو په دغه ولایت کې د ۷۷ نورو پروژو کارونه هم روان دي.
