په دریو ولایتونو کې به د ۵ ښوونځیو جوړولو کار ژر بشپړ شي
د کلیو بیا رغونې او پراختیا وزارت دولسي ټړون پروګرام داقرا پروژې تر سیوري لاندې به په ننګرهار، بلخ،او نورستان ولایتونو کې ۵ ښوونځي ژر ګټې اخستنې وسپارل شي.
داښوونځي دننګرهار ولایت په کوټ، بټي کوټ، دنورستان ولایت په واما اوبلخ ولایت په شور تیپه ولسوالیو کې جوړیږي، چې ۶ یا ۴ ټولګي ،تشنابونه او دڅښاک داوبو څاګانې به ولري.ددې پروژو په ترڅ کې تخنیکي اوناتخنیکي کارګرو ته زرګونه کاري ورځې رامنځ ته شوې وې.
ددې ښوونځیو په جوړیدو سره به د۱۳۷۵ کورنیو زده کوونکو ته دښوونې او روزنې وړ چاپیریال رامنځ ته شي.
