په بدخشان کې د ۱۳ میلیونه افغانیو په ارزښت د یو استنادي دیوال د جوړیدو کار روان دی
د کلیو بیا رغونې او پراختیا وزارت د سیمه ییز پروګرام له لوري د بدخشان ولایت د مرکز په صمتي کلي کې د ۱۳ میلیونه افغانیو په ارزښت د ۳۱۴ متره استنادي دیوال چې په بنسټیز او پاخه ډول جوړیږي کار ۴۰ سلنه مخکې تللی.
د دې پروژې په ترڅ کې ۸۷۴۷ کاري ورځې رامنځ ته شوي چې په بشپړتیا سره به یې د سیمې ۴۲۰۰ سیمه ییز وګړي له ګټو برخمن شي.
یاده دې وي چې د دې پروژې په بشپړتیا سره به سلګونه جریبه کرنیزه ځمکه او د هستوګنې کورونه د سیلابونو له ګواښه خوندي شي.
