په بامیان ولایت کې د کلیوالي اقتصاد د پياوړتیا ملي پروګرام لهخوا مقطعي پانګې ورکړل شوې
د کلیو د بیارغونې او پراختیا وزارت د کلیوالي اقتصاد د پياوړتیا ملي پروګرام د خپلو مقطعي مرستو د ویش په لړکې دا ځل د بامیان ولایت په سیغان ولسوالۍکې د پور او سپما ۱۲ کلیوالي اتحادیو ته چې ۱۷۴۳غړي لري، د لومړي قسط په توګه ۱۳۳۴۴۱۰ افغانۍولیږلې.
همدا راز د پور او سپما ۵ کلیوالي اتحادیو ته چې ۵۶۲ غړي لري، د دوهم قسط په توګه ۱۷۳۰۹۶۰ افغانۍ او څه دپاسه پنځه سوه زره افغانۍ د دریم قسط په توګه د پور او سپما ۲ کلیوالي اتحادیو ته چې ۲۱۹ غړي لري؛ په یادې ولسوالۍ کې ورکړې.
د نغدو پیسو له ویش څخه موخه د پروګرام ګټه اخیستونکیو ته د بوختیاو پیدا کول او د کوچنیو تشبثاتو پيل او پراختیا ده.
