د افغان- تاجیک په سرحدي سیمو کې د معیشت د ودې د پروژې د ارزونې غونډه جوړه شو
د کلیو بیا رغونې او پراختیا وزارت د پروګرامونو د معین ، د ملګرو ملتونو د پرمختیايي پروګرام د مرستیال او د یاد وزارت د پروګرامونو د رییسانو د کرنې او مالدارۍ وزارت د استازو او تاجکستان د جمهوریت د اقتصادي پرمختیا او سوداګرۍ وزارت د معین ، په تاجکستان کې د ملګرو ملتونو د پرمختیايي پروګرام مرستیال او په کابل، دوشنبه او توکیو کې د جاپان د نړیوالو همکاریو ادارې جایکا مسوولینوپه انلاین ګډون سره د افغان- تاجیک په سرحدي سیمو کې د معیشت د ودې د پروژې د ارزونې غونډه په کابل کې جوړه شوه.
د کلیو بیا رغونې او پراختیا وزارت د پروګرامونو معین پوپل حبیبي په دغه غونډه کې وویل چې د لیتاکا پروژې موخه په سرحدي سیمو کې تپلپاتې او عادلانه وده ده او دې پروژې په سیمه کې د اقتصادي پرمختیا سره مرسته کړې او په افغانستان او تاجکستان کې یې کاري فرصتونه ډیر کړي دي ښاغلي حبیبي زیاته کړه چې لیتاکا په سرحدي سیمو کې د سوداګرۍ د پرمختیا د زمینې په برابرولو، د عمومي زیربناوو په ښه والي او وړتیا لوړولو کې له کلیوالو سره مرسته کړې ده.
د کلیو بیا رغونې او پراختیا وزارت د پروګرامونو د معین په وینا یاده پروژه د افغان- تاجیک په سرحدي سیمو کې د تیرو لاس ته راوړنو او د دواړو هیوادونو په سرحدي سیمو کې د سیمه ییزو خلکو له اړتیا سره سم دریم پړاو ته پراختیا مومي.
د تاجیکستان جمهوریت د اقتصادي پرمختیا او سوداګرۍ وزارت معین هم لیتاکا پروژه بریالۍ وبلله او د یادې پروژې د کارکوونکو او مالي ملاتړ کوونکو درناوی یې وکړ او ددې پروژې په ټولو تطبیقي اړخونو کې یې د همکارۍ ژمنه وکړه.
د یادونې وړ ده چې لیتاکا پروژه د نورو ۴ کلونو لپاره غځیدلې ده او په پام کې ده چې د افغان- تاجیک په سرحدي سیمو کې خپل فعالیتونه روان وساتي.
