په تخار کې د ۷،۲۳ ميليونه افغانیو په ارزښت د اوبو رسولو دوې شبکې ګټې اخېستنې ته وسپارل شوې
۱۳۹۷/کب/۵
د کليو بیارغونې او پراختیا وزارت د اوبو رسولو د ملي پروګرام له لوري د تخار ولایت د رستاق د ولسوالۍ په کيوان جديد کلي کې د څښاک د اوبو څاه او د دشت ابي سفلي په کلي د اوبو رسولو یوې شبکې چارې چې په دواړه یې ۷،۲۳ ميليونه افغانۍ لګښت شوی وو، ګټې اخېستنې ته وسپارل شوې.
د دشت ابي سفلي د اوبو رسولو شبکه د ۴۰ مکعب مترو په حجم د اوبو یوه ذخیره، ۱۸ کیلومتره د اوبو ایستلو نل او ۱۶۰ د اوبو نلکۍ لري، چې ۸۷۰ کورنۍ به ترې ګټه اخلي
