په کندهار کې د ۱۰.۵ میلیونه افغانیو په ارزښت ددوو ښوونځیو جوړولو کار روان دی
د کلیو بیا رغونې او پرمختیا وزارت د ولسي تړون پروګرام د اقرا پروژې له خوا د کندهار ولایت د ډنډ ولسوالۍ په ملا نظر او رجب کلي کې د ۱۰.۵ میلیونه افغانیو په ارزښت د دوو ښوونځیو جوړولو کار روان دی. دا ښوونځي به ۶ او ۸ ټولګي ۵- ۵ تشنابونه او د ۵۰ مترو په ژوروالي دوه د څښاک د پاکو اوبو څاګانې ولري، دا ښوونځي د نجونو او هلکانو لپاره جوړیږي. د ښوونځیو د کار په اوږدو کې به فني او نا فني کاګرو ته ۵۲۳۰ کاري ورځې رامنځ ته شي او د پروژې تر بشپړتیا وروسته به یې ۱۲۵۰ کورنۍ له ګټې برخمنې شي.
