په کاپیسا کې د ۱.۸ میلیونه افغانیو په ارزښت د یو کرنیز کانال کار بشپړ شو
د افغانستان د خپلواکۍ د سلمې کلیزې په ویاړ د کلیو بیا رغونې او پرمختیا وزارت د ولسي تړون پروګرام له خوا د کاپیسا د نجراب ولسوالۍ د مرکز پاریات کلي کې د ۱.۸ میلیونه افغانیو په ارزښت د یو کرنیز کانال د ایستلو چارې بشپړې او ګټې اخستنې ته وسپارل شو. دغه کانال ۳۲۵ متره اوږدوالی لري چې د ایستلو په ترڅ کې یې ۱۳۸۸ فني او نافني کارګرو ته د کار زمینه برابره شوې وه. د یاد کانال په ایستلو سره ۱۶۰ جریبه ځمکه خړوبه شوه د یادولو وړ ده چې ۱۱۷ کورنۍ به ددې پروژې له ګټو برخمنې شي.
