په ډایکندي ولایت کې څه باندې د ۲۶۵ زره افغانیو په ارزښت د کرنیزو ځمکو د اوبو کولو د یوې زیرمې د جوړولو کار بشپړشو
د کلیو د بیا رغونې او پراختیا وزارت د ولسي تړون ملي پروګرام له لوري د څه باندې د ۲۶۵ زره افغانیو په ارزښت د کرنیزو ځمکو اوبو د یوې زیرمې د جوړولو کار د دایکندي ولایت د میرامور ولسوالۍ د علی شاه خواجه غار کلي د پراختیایي شورا لخوا بشپړ او ګټې اخیستنې ته وسپارل شو. د اوبو دغه زیرمه ۵۸ مکعبه متره ظرفیت لري او د کلیوالو ۳۰ جریبه ځمکه خړوبوي چې ۴۰۰ کورنۍ ترې ګټه اخلي. د یادونې وړ ده چې په نوموړې ولسوالۍ کې د ۳۸۰ مکعبه مترو په ظرفیت یوه بله زیرمه هم تر کارلاندې ده چې په نږدې راتلونکې کې به بشپړه او ګټې اخیستنې ته به ورسپارل شي.
