په بلخ کې د ۱۳.۷ کیلو متره سرک د پخولو چارې ( څلورپروژې)
۱- د بلخ ولایت د مزار شریف له یولمرب څخه د دشت شادیان په سویل کې تر شهرک علیا پورې ۳.۲۲ کیلو متره سرک پوخ کړل شو د اوبو ایستلو سیستمونه یې ورغول شول او ګټې اخستنې ته وسپارل شو دا پروژه د کلیو د بیا رغونې او پرمختیا وزارت د کلیوالي سیمو د لار جوړونې د ملي پروګرام له خوا تر سره شوه چې د یاد وزارت د پروګرامونو د معین محمد عیسی قدرت او د بلخ د والي محمد اسحق رهګزر له خوا یې پرانسته وشوه.
۲- د یولمرب له سرکه د مزار شریف د ښار ددشت شادیان په سویل کې د بابا علي شیر تر کارتې پورې د ۲.۰۴ کیلومتره سرک پخول ( قیرکول) او د سرک د اوبو ایستلو جوړښتونه جوړول بشپړ شول دا پروژه هم ګټې اخستنې ته وسپارل شوه.
۳- د مزار شریف ښارددشت شادیان سویل لوري ته د یولمرب له سرکه د شیخ حسن غمګین تر سرکه ۱.۹۴ کیلو متره سرک پوخ ( قیر) شو او د اوبو ایستلو جوړښتونه یې ورغول شول، دا پروژه هم ګټې اخستنې ته وسپارل شوه.
۴- د بلخ ولایت د نهر شاهي ولسوالۍ په علي اباد او کمپ سخي کې د ۶.۵ کیومتره سرک د پخولو (قیر کولو) کار هم پیل شو چې په ترڅ کې به یې د اوبو ایستلو د جوړښتونو تر څنګ ۱۰ متره اوسپنیز او کانکریتي پل هم جوړ شي.
دا سرکونه به ۲۳ کلي یو له بل سره وتړي او نږدې ۲۳ زره وګړي به د لومړنیو خدمتونو مرکزونو ته لاره پیدا کړي. ددې پروژو چارو ۲۱ زره کاري ورځې ایجاد کړې دي.
د کلیوالي سیمو د لارجوړونې ملي پروګرام تر دې مهاله په بلخ ولایت کې ۲۱۸ کیلومتره سړک رغولی او ۱۱۰ متره پلونه یې جوړ کړي او ګټې اخستنې ته یې سپارلي دي.
