په بادغیس کې له ۶۳۲ اړمنو کورنیو سره د څه باندې د ۹۸۰ زره افغانيو په ارزښت د خوراکي توکو مرسته وشوه
د کلیو د بیارغونې او پراختیا وزارت د ولسي تړون ملي پروګرام د ټولنیز ګډون لپاره د مالي وجهې پروګرام (SIG) له لوري چې د خلکو ونډه هم په کې وه له ۶۳۲ بیوزلو کورنیو سره څه باندې د ۹۸۰ زره افغانيو په ارزښت د بادغیس ولایت د جوند اومقر ولسوالیو په اړوندو۳۰ پرمختيايي شوراګانو له لوري د خوراکي توکو مرسته وشوه. په دغه مرستو کې غوړي، بوره، لوبیا، دال، وریجې، غنم، مالګه او چای شامل وو.
