غزني په مُقر ولسوالۍ کې د څښلو د اوبو ۲۵ څاه ګانې ګټې اخیستنې ته وسپارل شوې
د کلیو د بیارغونې او پرمختیا وزارت په کلیوالي سیمو کې د اوبو رسولو د ملي پروګرام له لوري د غزني ولایت د مقر ولسوالۍ په بېلا بېلو کلیو کې د څښلو د اوبو ۲۵ څاه ګانې جوړې او د خلکو ګټې اخیستنې ته وسپارل شوې.
په دغو څاه ګانو باندې چې لاسي بمبې هم پرې نصب شوې، څه باندې دوو ميلیونه افغانۍ ولګېدې چې افغانستان دولت له لوري ورکړل شوې وې.
د یادو څاه ګانو د جوړولو چارو کې د سېمې خلکو ۱۹۰ کاري ورځې ایجاد شوې او په تکمیلېدو سره یې شاوخوا ۶۴۵ کورنیو ته د څښلو پاکې اوبه برابرې کړې.
