د کلیو بیا رغونې او پرمختیا  وزارت د سیمیزو پروګرامونو د همغږۍ دفتر ۴ کلنې لاس ته راوړنې

د کلیو بیا رغونې او پرمختیا وزارت د سیمیزو پروګرامونو د همغږۍ دفتر له ۲۰۱۵ م کاله تر دې مهاله د هیواد په بیلابیلو ولایتونو کې د څه باندې ۵۰۳ میلیونه افغانیو په ارزښت ۹۳ ټولګټې پروژې پلې کړې دي چې له دې ټولګې ۵۷ پروژې بشپړې شوي او ۳۶ پروژې بشپړیدا ته نږدې دي، له دې پروژو ۶۳ پروژې له ملي بودیجې ۲۵ پروژې د اسیايي بانک او ۵ نورې د ایټالیا هیواد له خوا تمویلیږي، ددې پروژو په ترڅ کې ۷۵۶ کاري ورځې رامنځ ته شوي او ۳۴۱ زره او ۹۲۵ کسانو ترې ګټه پورته کړې ده.
استنادي دیوالونه، ګبیون ډوله دیوالونه، بولډرونه، سوپر پسیج، سربندونه، د اوبو خور کانالونه،  سرکونه، ترانسپورتي پلونه او د اوبه خور کانالونه له دې پروژو دي. باید ووایو چې ددې پروژو په پلي کیدا سره د سیمیزو خلکو د ژوندانه په بیلو برخو کې ګټور او پام وړ بدلونونه رامنځ ته شوي دي.