د تړون ورکولو د پریکړې خبرتیا

په دې توګه د ملي تدارکاتو د ۱۵/۱۲/۱۴۴۷ نیټې د ۲۰۰۷۲ شمیره خبرتیا په تعقیب ټولو ته خبر ورکول کیږي چې د کلیو د بیارغونې او پراختیا وزارت په پام کې لري ترڅو د غزني ولایت د آب بند ولسوالۍ په دالاني کلي کې د (۰،۲۶) کیلو متره اتصالي سړک په شمول د (۸۰) متره ګاډري اوسپنیز کانکریټي پُل د جوړولو تړون چې MRRD/1405/NCB/W-395 تشخیصیه نمبر لرونکی دی ،  د D-25888  نمبر جواز لرونکی د   صباح درخشان ساختماني او مهندسي شرکت ته په ټولیز ډول ۲۲،۹۵۵،۵۰۰  ( دوه ویشت میلیون نهه سوه پنځه پنځوس زره پنځه سوه افغانۍ) اعطا کړي.

 هغه حقیقي او حکمي اشخاص چې په یاده برخه کې هر ډول اعتراض لري، کولای شي خپل اعتراض له دلایلو سره په لیکلې بڼه د دې اعلان له خپریدو څخه تر (۵) کاري ورځو پورې نیله باغ سړک، دارالامان، د کلیو د بیارغونې او پراختیا وزارت، د تدارکاتو ریاست ته وړاندې کړي.

دا خبرتیا د تړون لاسلیک کولو په مانا نه ده او د پورته یادې شوې نیټې او د وروستي قانوني طی مراحل تر بشپړیدو به تړون لاسلیک نشي.