د ننګرهار په بټيکوټ او سرخ رود ولسواليو کې څه باندې ۵۵۰ کورنيو لپاره د څښلو اوبه برابرې شوې
د کليو د بيارغونې او پرمختيا وزارت په کليوالي سيمو کې د اوبو رسولو د ملي پروګرام له لوري د څه باندې شپږ ميليونه افغانيو په ارزښت د ننګرها ولايت د بټيکوټ ولسوالۍ په «هيبتخېلو» او د سُرخ رود ولسوالۍ په «سليم آباد» کليو کې د اوبو رسولو دوې لمريزې شبکې جوړې او د خلکو ګټې اخيستنې ته وسپارل شوې.
د يادو دوو شبکو د جوړولو چارو د ځايي خلکو لپاره شاوخوا ۲،۱۰۰ کاري ورځې ايجاد کړې او په بشپړېدو سره يې، څه باندې ۵۵۰کورنۍ د څښلو د پاکو اوبو له نعمت نه برخمنې شوې.
