په تیرو ۴ کلونو کې په کندهار کې د ۱.۷۳۷ میلیاره افغانیو په ارزښت ۶۲ پرمختیايي پروژې پلې شوي
کلیو د بیا رغونې او پرمختیا وزارت سیمه ییز پروګرام له ۲۰۱۵ زیږدیځ کال را پدیخوا د, ۱.۷۳۷ میلیارده افغانیو په ارزښت ۶۲ عام المنفعه پروژې د کندهار ولایت په بیلابیلو سیمو کې تطبیق کړي چې ۴۹ دغه پروژې بشپړې او ۱۳ نورې یې د بشپړیدو په حال کې دي. د دغو پروژو په لړ کې چې له ملي بودیجې تمویل شوي دې پروژو ۳۵۶ زره او ۳۴۲ کاري ورځې رامنځته او ۱۷۰ زره او ۳۴۰ ځايي اوسیدونکي لدغو پروژو هر اړخیزه ګټه پورته کوي. د دغو پروژو د تطبیق پر مهال جوماتونه، قیر سړکونه، د اوبو رسولو شبکې، استنادي دیوالونه، د اوبو لګولو سربندونه، کانالونه، او د اوبو لګولو کاریزونه جوړ شویدي. د یادونې وړ ده چې دغو پروژو د ځايي اوسیدونکو د ټولنیز ژوندانه په بیلابیلو اړخونو کې د پام وړ مثبت خپل اغیز شیندلی دی.
