په تخار کې په ټولیزه توګه د ۲۵ میلیونه افغانیو په ارزښت د ۳ پرمختیايي پروژو بشپړیدل او د یوې بلې پیل
د افغانستان د خپلواکۍ د سلمې کلیزې په ویاړ د کلیو بیا رغونې او پرمختیا وزارت د ولسي تړون له لوري د تخار ولایت په بهارک او ورسج ولسوالیو کې په ټولیزه توګه د ۲۵ میلیونه افغانیو په ارزښت ۳ پرمختیايي پروژې بشپړې او ګټې اخستنې ته وسپارل شوې او یوه بله پروژه پیل شوه.
د دې پروژو له ټولګې یوه یې د ۱۲.۶۵ کیلو مترو په اوږدوالي د بریښنا ښاري شبکه رغول وو. بله یې د بهارک ولسوالۍ په برګت، چایله علي خان او قاضي غفور کلیو کې د څښاک د اوبو څاګانې ایستل وو او بله یې د ورسج ولسوالۍ په ده بالا او حصار کلیو کې ۵۰۰ متره محافظوي دیوال جوړول وو.
له دې ټولګې درې پروژې بشپړې او ګټې اخستنې ته سپارل شوي او د یوې بلې کار نوی، نوی پیل شوی دی.
