په ننګرهار کې د ۲۱ میلیونه افغانیو په ارزښت د ۳ ښوونځیو جوړولو کار پیل شو
د کلیو بیا رغونې او پرمختیا وزارت د ولسي تړون د اقرا پروګرام له لوري د ننګرهار ولایت د چپرهار ولسوالۍ په ګډل کلي کې د نجونو او هلکانو د یوه منځنی ښوونځي او د همدې ولسوالۍ په مندرخیلو کې د یوې لیسې جوړولو کار د ۲۱ میلیونه افغانیو په ارزښت پیل شو.
دا ښوونځي به ددریو میاشتو په اوږدو کې په یوه، یوه پوړ کې جوړیږي، لیسه به ۸ ټولګي، ۵ تشنابونه او یوه د څښاک د اوبو څاه ولري او منځنی ښوونځی به ۶ ټولګي ۳ تشنابونه او یوه د اوبو څاه ولري.
