د هيواد په ۸ ولايتونو کې د کوچيانو لپاره د ۳۸.۵ ميليونه افغانيو په لګښت د ۱۹ پروژو کار روان دي
د کليو بيا رغونې او پراختيا وزارت د سيميزو پروګرامونو د همغږۍ دفتر د کوچيانو لپاره د هيواد په ۸ ولايتونو کې د ۳۸.۵ ميليونه افغانيو په ارزښت ۱۹ پروژې پلې کوي چې مخ په بشپړيدو دي.
دا پروژې چې ۱۷ يې له ملي بوديجې او ۲ نورې يې د ايټاليا هيواد له خوا تمويليږي په کاپيسا، جوزجان، خوست، زابل، کندهار، لوګر، ننګرهار او لغمان ولايتونو کې پلې کيږي چې د اوبه خور کانالونه، د اوبه خور د اوبو زيرمې او سولري پمپونه په کې راځي.
ددې پروژو په ترڅ کې ۱۵ زره او ۷۲۸ کاري ورځې رامنځ ته شوي او ۳۳ زره ۹۷۱ هيودوال کوچيان به يې له ګټو برخمن شي.
