د کابل ولایت په موسهي او بګرامیو ولسوالیو کې د ۱۵۰۰ متره اوږد کانال چارې ۸۰ سلنه بشپړې شوې
د کليو بیارغونې او پراختیا وزارت د سېمه ییزو پروګرامونو د همغږي دفتر له لوري د کابل د بګرامیو او موسهي ولسواليو په بیلابیلو یو شمیر کلیو کې د اوبو لګولو د 1500 متره کانال د تحکیماتي پروژې کار 80 سلنه بشپړ شوی، چې ژر به ګټې اخېستنې ته وسپارل شي.
په دې پروژې څه باندې 18 میلیون افغانۍ لګښت شوي، چې ا سېمې خلکو ته یې 8000 کاري ورځې رامنځته او 3500 ځايي اوسیدونکي به ترې په مستقیم ډول ګټه پورته کړي.
د یادونې وړ ده چې د دغې پروژې په بشپړیدو به د سیمې 10 زره جریبه زراعتي ځمکه د اوبو لګولو ترمنظم پوښښ لاندې راشي.
