روان د ۲۰۱۹ کال د مارچ په میاشت کې نږدې ۱۳۵۰۰ کورینو ته د څښاک اوبه برابرې شوې
د کليو بیارغونې او پراختیا وزارت د اوبو رسولو ملي پروګرام له لوري د روان میلادي کال د مارچ په میاشت کې د هېواد په ۱۵ ولایتونو( بغلان، پنجشیر، جوزجان، خوست، ننگرهار، هرات، کندهار، غور، بادغیس، پروان، تخار، کاپیسا، هلمند، دایکنډي او فاریاب) کې د څښاک اوبو ۶۱ پروژې پلي شوي، چې ۱۳۵۰۰ کسانو ته به د څښاک اوبه برابروي.
په دې پروژو کې د ۱۸ اوبو رسولو شبکو جوړولو، ۱۷ د اوبو زخیرو جوړولو، ۲۷۰۰ متره د اوبو کانال جوړول، ۵۸ د ژورو او نېمه ژورو څاګانو کېندل، د درو ډیزلي اوبو رسولو شبکو سولري شبکو ته بدلول او کورنیو بېځايه شویو کورنیو ته د درو شبکو جوړولو شامل وو.
د دې پروژو ټولیز ارزښت ۱۵۸ ميليونه افغانیو ته رسیږي، چې ۱۳۴۷۰ کورنیو ته به د څښاک اوبه برابروي.
د دې ترڅنګ یادې برنامې د بادغیس، هلمند، بامیان، غور، ننگرهار، دایکنډي، پکتیکا، کندهار او بدخشان په ولایتونو کې ۱۸۶ مبرزونه جوړ کړي.
