په کندهار کې له ۳۵ اړمنو کورنیو سره د څه باندې ۲۱۰ زره افغانيو په ارزښت د خوراکي توکو مرسته وشوه
د کلیو د بیارغونې او پراختیا وزارت د ولسي تړون ملي پروګرام د غله جاتو د بانک له لوري د کندهار ولایت د شګې/ تخته پل ولسوالۍ د ملک امير جان، ملک امير محمد، تورکوتل او آخند زاده کلیو له ۳۵ بیوزلو کورنیو سره د څه باندې ۲۱۰ زره افغانيو په ارزښت د د خوراکي توکو مرسته وشوه. دغه مرستې د ولسي تړون د ټولنیز ګډون لپاره د مالي وجهې پروګرام لخوا چې د خلکو ونډه هم پکې وه، اړمنو کورنیو ته ورکړل شوه، چې په دې مرسته کې اوړه ، وریجې، غوړي، بوره او غنم پ شامل وو. د یادونې وړ ده چې تر دا مهاله په تخته پل ولسوالۍ کې د غله جاتو ۴۲ بانکونه جوړ شوي دي.
